-महावीर सांगलीकर
Numerologist & Motivator
8149703595
पारंपारिक अंकशास्त्री, ज्योतिषी यावर एक उपाय सांगतात. तो म्हणजे तुम्ही एका कागदावर 8 हा अंक लिहा आणि तो कागद तुमच्या खिशात ठेवा. त्यामुळे तुमच्याकडे धन आणि संपत्ती आकर्षित होईल.
पण मी नेहमीच वेगळे आणि प्रयोग करणारा माणूस. मी विचार केला, असं कागदावर 8 हा अंक लिहून तो कागद खिशात ठेवण्यापेक्षा आपण ज्यांचा जन्मांक किंवा भाग्यांक 8 आहे अशा व्यक्तींशी मैत्री केली तर? मला हा प्रयोग महत्वाचा वाटला म्हणून मी तो लगेच करून बघायचं ठरवलं. हे 8 नंबरवाले मित्र मिळवायचे कोठून हा कांही माझ्यासाठी फार मोठा प्रश्न नव्हता. मला असे मित्र मिळावेत असं मनात आणलं आणि तसे मित्र मिळत गेले. कोणी क्लाएंट म्हणून आलं, तर कुणाची सहजासहजी ओळख झाली. मी त्यांच्याशी मैत्री केली. मग ते माझे खास मित्र झाले.
या प्रयोगाचा दुसरा भाग म्हणजे मैत्री पक्की करण्यासाठी मी त्यांच्या सतत टच मध्ये राहू लागलो. सोशल मिडियातनं, फोनवर आणि प्रत्यक्षात. अधूनमधून त्यांना जेवायला नेलं, पुस्तकं गिफ्ट दिली.
या प्रयोगाचा परिणाम असा झाला की माझ्याकडे पैशाचा प्रवाह कधी नव्हे तेवढा वाढला. म्हणजे या 8 नंबर असणाऱ्या मित्रांकडून मला डायरेक्ट कांहीच मिळालं नाही, पण माझी अंकशास्त्राची प्रॅक्टिस मोठ्या प्रमाणात वाढली.
तुम्हीही हा प्रयोग करून बघू शकता. पण हा प्रयोग सरसकट सगळ्यांना लागू पडत नाही. ज्यांचा जन्मांक 2 किंवा 4 आहे त्यांना या प्रयोगात चांगले यश मिळू शकतं. तसेच जन्मांक 1 किंवा 6 असणाऱ्यांनादेखील या प्रयोगाचा फायदा होऊ शकतो. 8 जन्मांक किंवा भाग्यांक असणाऱ्यांनी हा प्रयोग करण्याची गरजच नाही. इतरांनी (म्हणजे जन्मांक 3, 5, 7, 9 असणाऱ्यांनी) हा प्रयोग न केलेला बरे. या प्रयोगातला धोका म्हणजे तुम्हाला या 8 नंबरच्या मित्रांमुळे मोठा मनस्ताप होऊ शकतो. भांडणे होऊ शकतात. पण ती तुम्ही टाळली, त्यांच्या कलाने घेतलं तर तुमचा फायदाच फायदा होईल.
हेही वाचा:
No comments:
Post a Comment